ក្រុមហ៊ុន AWS Cambodia បានរៀបចំនូកម្មវិធី “Network & Security Solutions Workshop”

កាលពីថ្ងៃទី 23 ខែតុលា ឆ្នាំ 2020 នៅសណ្ឋាគារ ភ្នំពេញអេរ៉ា ក្រុមហ៊ុន AWS Cambodia ដែលជាក្រុមហ៊ុនឈានមុខគេខាងផ្នែក ចែកចាយផលិតផលបណ្តេញទូរគមនាគមន៍ ព័ត៌មានវិទ្យា និងប្រពន្ធ័គ្រប់គ្រងសុវត្ថិភាពសម្រាប់អាគារនៅក្នុងប្រទេសកម្ពុជា បានរៀបចំនូវសិក្ខាសាលាដើម្បី ចែករំលែកនូវបច្ចេកវិទ្យាថ្មីៗ ក្នុងការគ្រប់គ្រង network អោយមានភាពងាយស្រួល ក៏ដូចជាប្រព័ន្ធគ្រប់គ្រងអាគារប្រកបដោយសុវត្ថិភាព និង បំពេញនូវតម្រូវការបច្ចេកទេសគ្រប់ស្ថាប័ន។

នៅក្នុងកម្មវិធីនេះមានការចូលរួម ពីសំណាក់នាយកក្រុមហ៊ុន អ្នកជំនាញបច្ចេកទេសជាច្រើនមកពីស្ថាប័នធំៗមួយចំនួនផងដែរនៅក្នុងប្រទេសកម្ពុជា។ 

លោក នូ សុីណា ប្រធានគ្រប់គ្រងផលិតផល ប្រចាំក្រុមហ៊ុន AWS CAMBODIA បានធ្វើការបង្ហាញអំពី​ Network Solutions ជាច្រើននៃផលិតផល CommScope​ និង បច្ចេកវិទ្យាថ្មីនៃ Networks Tester របស់ Fluke Networks។ ទន្ទឹមនឹងនេះ លោកបានមានប្រសាសន៏ថា ក្រុមហ៊ុនក៏បានយកចិត្តទុកដាក់ និងបានសហការយ៉ាងរឹងមាំជាមួយ ក្រុមហ៊ុនដែលមានបច្ចេកវិទ្យាល្បីៗ នៅលើពិភពលោក ក្នុងការផ្តល់នូវដំណោះស្រាយដ៏មានប្រសិទ្ធភាពដល់អតិថិជននៅក្នុងប្រទេសកម្ពុជាតាមរយៈកិច្ចសហប្រតិបត្តិការ ជាបន្តបន្ទាប់ដែលជួយអោយអតិថិជនរបស់យើងទទួលនូវបច្ចេកវិទ្យាថ្មីៗ ប្រកបដោយប្រសិទ្ធភាពច្នៃប្រឌិត។ ឆ្លៀតក្នុងឱកាសនេះផងដែរ លោកបានថ្លែងអំណរគុណដល់ដៃគូរអាជីវកម្ម ដែលតែងតែជឿជាក់និងជួយគាំទ្រ ក្រុមហ៊ុន AWS CAMBODIA មកដល់ពេលនេះ។

ជាមួយគ្នានេះផងដែរ កញ្ញា ផល្លី រ៉ានី អ្នកគ្រប់គ្រងផលិត Austin Hughes បានធ្វើការបង្ហាញអំពីបច្ចេកវិទ្យាថ្មីៗ ដែល ទាក់ទងនឹងKVM, Smart PDU & Access Door for Server & Micro Data Center។

គួរបញ្ជាក់ផងដែរថា ក្រុមហ៊ុន AWS (CAMBODIA)  ត្រូវបានបង្កើតឡើងនៅឆ្នាំ 1993 ដែលមានស្នាក់ការនៅប្រទេស សឹង្ហបុរី និងមានសាខាចំនួន 7 ប្រទេសក្នុងតំបន់អាស៊ី ដែលមានដូចជាប្រទេស មីយ៉ាន់ម៉ា ឥណ្ឌូនេស៊ី ថៃ ហ្វីលីពីន កម្ពុជា វៀតណាម នឹង ម៉ាឡេស៊ី ។   

ក្រុមហ៊ុន AWS Cambodia ជាអ្នកចែកចាយឈានមុខគេនូវផលិតផលម៉ាកល្បីៗជាច្រើនទៀតដូចជា  Commscope (AMP, Krone, Systimax), Alantek, Ruckus Networks, Cisco, Zycoo (IP Telephony), D-Link, ISA, Epson, Socomec, Maken,  Brady, Fluke Networks, Austin Hughes, Acer, Printronix,  Honeywell (Security & Fire Solutions), MikroTik, Linkyfi, Senor, GST, Suprema, Bullguard និង ផលិតផលជាច្រើនទៀត។